Ինտենսիվ այգիների մշակումը թեև ավելի հեշտ է, բայց, ինչպեսև ենթադրելի է, դրանք հետևողական խնամք են պահանջում։ Զավեն Գրիգորյանն ասում է, որ մարդիկ շատ հաճախ պատրաստ չեն նոր գիտելիք յուրացնել:
Լուսանկարում նրա հիմնած ինտենսիվ այգու աշխատողներն են, որոնք գալիս են տարբեր համայնքներից: Իշխանասար գյուղից հնարավոր չի եղել աշխատողներ հավաքագրել, աշխատել ցանկացողներ չեն գտնվել: Տպավորություն է, որ մարդիկ չեն ուզում գյուղատնտեսության մեջ աշխատելով գումար վաստակել: Հաճախ նրանք գերադասում են նպաստ ստանալ, քան ջանք ներդնել՝ նոր գիտելիքի ու աշխատանքի համար: Շատերը կարող են վկայակոչել դեպքեր, երբ  գյուղացիները վաճառել են իրենց անասունը, որպեսզի նպաստ ստանան: